APORTIL

APORTIL, I.P nu’udar instituisaun públika ne’ebé integra iha administrasaun indireta Estadu nian, dotadu ho pesoál jurídiku, autonomia administrativa no finanseira, no ninia patrimóniu rasik. APORTIL, I.P nia sede iha Dili no bele estabelese delegasaun permanente ida iha ámbitu jurisdisaun ne’ebé define ona iha Artigu 4.º Estatutu Administrasaun Portuária Timor-Leste nian, ne’ebé aprova hosi Dekretu-Lei No. 03/2003 loron 10 fulan-Marsu (hanesan estatutu sira). APORTIL, I.P sujeita ba asinatura hosi membru na'in-rua hosi Konsellu Administrasaun, ne'ebé nia Prezidente sei sai Prezidente ka nia susesór bainhira nia laiha ka auzénsia tanba kondisaun saúde.

Vizaun

APORTIL I.P harii ho vizaun atu jere portu sira iha nia jurisdisaun laran ho objetivu atu halo esplorasaun ekonómika, konservasaun no dezenvolvimentu portuáriu, liuhosi ezerse autoridade no prerogativa sira hosi autoridade portuáriu sira ne’ebé atribui ba APORTIL I.P tuir lei hirak-ne’ebé aplikavel.

Missaun

1. Jere, administra no dezenvolve portu sira, garante efisiénsia nesesáriu iha utilizasaun espasu domíniu públiku marítimu iha nia área jurisdisaun, tantu iha tasi-ibun no iha tasi;

2. Garante koordenasaun, regulamentu no fiskalizasaun ba atividade sira ne’ebé hala’o iha ninia área jurisdisaun nia laran, sein prejuizu ba podér sira ne’ebé lei fó ba entidade sira seluk;

3. Fornese ka garante, iha ninia área jurisdisaun nian, prestasaun servisu sira ne’ebé relasiona ho operasaun portu nian, liuliu asisténsia ba ró sira no garante seguransa navegasaun nian;

4. Prepara planeamentu portuáriu no planu espansaun ba área portuáriu sira, atu submete ba aprovasaun husi ministru responsável;

5. Prepara estudu, planu no projetu sira ba obra marítima no terrestre nian, tuir planu no programa sira ne’ebé aprova tiha ona;

6. Harii, sosa, mantein no superviziona obra marítima no terestre no ekipamentu flutuante no terrestre iha portu sira, nune’e mós mantein sira-nia fundu no asesu sira;

7. Dezeña no ezekuta planu estratéjiku promosaun komersiál ba portu sira ne’ebé iha nia jurisdisaun;

8. Promove Prinsípiu Seguransa Primeiru iha espasu operasaun portu nian.

Konsellu Administrasaun

José de Oliveira Leong

Prezidente Konsellu Administrasaun

Biografia Kompletu

Julio Saldanha Barreto

Vogál I

Biagrafia Kompletu

Leandro de Sena

Vogál II